بالنسبه للفورتشنر

وش جاب الثرى للثريا تقارن الثور بالاسد ياعيني على الاكسبلورر ان كان الجيل الجديد او القديم كلهم حلوين يكفيك اول شي التصنيع امريكي مو اندونيسي مثل الفورتشنر وانظمه السلامه في الاكسبلورر تفوق الفورتشنر بكثير مثل الabs فهو لا يوجد في الفورتشنر الا في اعلى فئة وايضا الايرباقات حوالي 6 وفي الفورتشنر 2 والدبل سلملي على الاكسبلورر جميع الفئات كل ابوهم دبلات والراحه والعملانيه والتكنولوجيا بصراحه لا مقارنه مع الفورتشنر واذا كنت بتقارن الاكسبلورر فقارنه مع البرادو والجيوب الاخرى 

llonely : كلامه سليم جداً

مافي مقارنة بين الاتنين اذا تبغى الراحة الاكسبلورر اريح بكثير اما الفورتشنر غير مريح
كأنك راكب وانيت ممكن لأنه في الاصل هايلكس هذا غير الفرق الكبير في التكنلوجيا

الكلام اعلاه عن تجربة

بورك فيك
بس ياخواني الاكسبلورا سمعت انه يتهربد بعكس الفوررتشنر وكمان الفورتشنر يمسك سعره مابعد البيع وكمان ولا اخفيك ان الراحه فرق بينهم لصالح الاكسبلورا بس وايش فايده الراحه اذا فيها شق جيوب وكمان القطع لللصالح الفورتشنر حسب ماسمعت ..... والله يا اخوان شاب راسي وتعبت وتعبت وتعبت وماني عارف راسي من رجولي مره اقول مالك غير اليوكن ومره اقول الاكسبلورا ومره اقول الفورتشنر .. بس الفورتشنر يمكن مافيه راحه بس جبار

الله يبارك فيكم جميعا

الفورتشنر يخوف بالمنعطفات وداخليه هايلكس ،،
والزم ما عليك راحتك وظهرك ،،
انا اقول اكسبلورر اقوي بكثير خصوصا اللؤلي جبار ومع كم واحد من العيال وكلهم يمدحونه ما شافو منه شر وعالكينه بالنفود

هلا باخونا سلطان بن محمد

والله تعبت بالمقارنه بينهم
بس على قولتكم الاكسبلورا اقوى بس بالنفوذ ماعمري سمعت واحد فضله على الفورتشنر وانا اشوف ان الاكسبلورا رائع وجميل وامن من الفورتشنر بس يوم اشوفه يسحر القلب مدي احس اني تعلقت فيه والله عارف ان المبلغ الي رايح ادفعه كثير ومبالغ فيه مره بس لو على سبيل المثال اخذ فورتشنر 100000 الف ريال وبعد كم سنه ولا شهر قررت ابيعه تدري ان كان نظيف ابيعه براس ماله يمكن ينقص شي بسيط بعكس الاكسبلورا ولا كلامي خطا يالغالي !
ومازلنا منتظرين الوجوه الطيبه تسدح لنا السطور من خبرتهم والله لايحرمهم الاجر

شوفوا رد احد الاعضاء



بأعطيك المختصر المفيد
الاكسبلور
راحة - أداء مناسب جدا - عزل رائع - أمان عالى - قطع (لا اعلم ) - سعر مناسب - قيمة السوق عند البيع سيئة .
الفورتشنر
تايوتا - سعره مناسب عند البيع - عزل سئ - أمان متوسط - قطع رخيصة - سعر مبالغ فيه - الراحه مش ولا بد - أداء مجنون سواء العادي أو التماتيك

للعلم ترا عندي فورتشنر

ما دام انك جبت سيرت اليوكن فهو افضل خيار

من قال ان الاكسبلورر يطيح سعره يرفع يده 
يا حبيبي احنا في موقع حراج ما رحنا بعيد اعملوا بحث عن مثلا اكسبلورر 2010 اقل فئه اللي هو سعره كان جديد 97000الف شوفه ينسام على 80 و81 حسب الممشى يعني كم الفرق بين سعره جديد ومستعمل وكمان كم فرق السنوات سنتين فقط ويشهد الله ان الاكسبلورر موتر يكفيك 6سلندر ودبل في جميع الفئات مو فورتشنر 4سلندر ويجيك بدبل وبعضه لا
على العموم عز الجيوب الدبل

من قال ان الاكسبلورر يطيح سعره يرفع يده 
يا حبيبي احنا في موقع حراج ما رحنا بعيد اعملوا بحث عن مثلا اكسبلورر 2010 اقل فئه اللي هو سعره كان جديد 97000الف شوفه ينسام على 80 و81 حسب الممشى يعني كم الفرق بين سعره جديد ومستعمل وكمان كم فرق السنوات سنتين فقط ويشهد الله ان الاكسبلورر موتر يكفيك 6سلندر ودبل في جميع الفئات مو فورتشنر 4سلندر ويجيك بدبل وبعضه لا
على العموم عز الجيوب الدبل

اكسبلورر  احسلك يكفيك انه موتر جبار ومحافظ علي سعره اما فورتشنر كانك راكب ددسن عراوي ولاهو مريح بصراحه انا عندي اكسبلورر ماشاء الله تبارك الله موتر ما يحتاج

والله يكفى انو فورد امريكى والله انا اعرف واحد عنده اكسبلورر موديل 1999 انسام من واحد يستخدمه مو شريطى 30 الف و ماهو راضى يبيع قال والله ماابيع الا لو جاب 38 الف نزل حراج جده جاب 40 الف الرجل باعه فى نفس اليوم يعنى سعره ما يطيح مره وقطع الغيار بسعر التراب وفى كل مكان والله انصحك خد اكسبلورر