ليش بعض الناس ينزل من السياره ويتركه شغاله

عني 
أنسرقت سيارتي وهي شغاله من سبع سنوات 
وما زلت اترك سيارتي شغاله حتى الآن 
طبعا خطأ كبير 

لكن على قولة اخي الي سبقني اشبيليا2222 إذا خرده يخليها شغاله 
الي انسرقت سيارة حديثه وشبابية ومرغوبة بالتفحيط والي معي حاليا خرده ما يركبها بنقالي.. 
ومع هذا للاسف قبل شهرين تاركها شغاله ومقفلها على المفتاح ولما طلعت إلا أبن كلب ناويها!! 

عرفت انه ناويها من مروره بجانبها ورجوعه للرصيف وحركاته بالاضافة إلى اصحابه واقفين بسيارة ثانية بإتجاه الشارع متجهزين للدعسه.. والتعزيز لخويهم. 
وإلا كان من البداية مسكته وقلت انت تشوف السيارة غير شوفي لها وإلا فيك محنة سواقه تبي أي سيارة والسلام هههههههه قرنبع عمره 15 سنة وتدور وراه سرق!! مريض.. 


أما السبب بترك السيارة شغالة: 
لامور تافهه بس كثيره وكثرتها تعطي أهمية 
مثلا استهلاك السوتش بالتشغيل والإطفاء والسلف والحذاف لانه بدون تشحيم وكمية صرف البنزين عند التشغيل تعادل ربع مشوارك 
أيضا بالصيف المكيف تحتاج يبقى شغال وغيرها كثيره بقاء المكينه شغاله أسهل وأفضل لها من تقويمها. 
والسيارات القديمه يمكن إذا طفت ما عاد تشتغل وغيره من الامور. حتى السيارة الجديده بالسفر ما ودك تطفيها تخاف يطلع فيها مشكلة. 

كلها امور تافهه وليست مبرره تترك السيارة شغالة 
بس حنا الشعب العجولي 
على قولة أخوانا المصريين: يا حلوتك ياجاهز. 
نبي السيارة شغاله جاهزة اركب وأمش وإلا ليه اخترعوا تشغيل السيارة عن بعد. 

وعلى فكرة الي يتركون السيارة شغاله هم نفسهم المستعجلين الي يوقفون غلط سواء خلف سيارة واقفه أو بالطول وخلافه مستعجل على شان يمشي. 
من قوة ماهو مستعجل يترك الموقف الشاغر ويوقف خلفك قال ايش مستعجل مايبي يلبق ثم يدق ريوس وهو طالع. 


أسأل الله أن يشل أطراف سارقي السيارات 
الناس تسرق للحاجه والجوع وهذا يسرق سيارة بعشرات الآلاف عشان يفحط! 
من سبع سنوات أدعي عليه 
والله يا جماعة الخير أخذت عمره أكثر من مرة 
أول ما شوف الكعبه يذكر علي وبدال ما أدعي لنفسي أدعي عليه 
وعندي ثقة بالله أنه بيأخذ حقي منه. 

ونصيحة لا تعفون عن أحد متعمد الخطأ مثل سارقي السيارات وقاطعي الاشارة وعاكسي السير والتفحيط والسرعة بالحواري. 
هذولي أنا ما اتنازل عنهم لو تجي أمه تبوس رجولي وأطلع أردى الناس بس ما اعفي عنه.
ومقولة العوض مافيه خير - مقوله خاطئة 100% وحنا صدقناها وكأنها حديث نبوي.. 
بالعكس لا تعفي عن المخطي الي مال خطأه مبرر.. واحتسب الأجر أنك اول شي تردعه لا يكرر خطأه والشئ الثاني تردعه لا يكررها ويسلم منه مسلمين. 

اتعجب من شخص يسرق سياره عشان يتمشى بها