أضف سؤال أو موضوع جديد          

تجربتي مع تغيير الكفرات ..

up 10 down 3
r4rec0in 1446
قبل 5 سنه و 11 شهر



السلام عليكم و رحمة الله و بركاته
تحية طيبة و بعد ,
أبشركم تم تغيير كفرات الكامري أمس و هذي تجربتي ,
أول شيء الكفرات السابقة هي كالتالي :
مقاس 15 على كامري 2006 , صناعة سلوفينيا , سنة 2010 ,
اول ماشريت الكفرات كان ممشاها 165 الف و كسور ,
و أمس يوم غيرتها ممشاها 272 الف و كسور ,
يوم وصلت فرع الراشد قوديير الفلبن سووا لي حفلة على إني مشيت السيارة 100 الف تقريباً , قالوا عمر الكفر الافتراضي 60 الف او بالاصح اغلب الي يغيرون يغيرونه على 60 الف او 50 الف , اما انت مشيته 100 الف ,
بعدين قام يمدح فيني الفلبيني و يقول : " كلو سيارة سيم سيم حق انتا ( يقصد نفس موديل سيارتي 2006 ) كلو نفر مافي سواقة كويس كلو كفر يجي سحكية و يجي نقشة خربان " ,
المهم ركبت الكفرات الجديدة نفس النقشة السابقة صناعتها أسبوع 25 سنة 2012 , بمعنى شهر 6 ميلادي 2012 ,
بمبلغ 325 ريال للكفر الواحد , اي اجمالي 1300 ريال سعودي ,

1300 ريال سعودي 4 كفرات مقاس 15 + تعبئة نيتروجين + ترصيص كفرات + وزن أذرعة + ضمان مفتوح + تغيير كفرات بشكل × كل 15 الف كيلو متر أو كل 4 أشهر .

المهم طلعت من المحل وانا احس اني راكب مرسيدس من زود الفخامة و احساسي بإن السيارة جديدة هههههه ,
مشيت 180 على الكفر ولما جيت اكسر الطارة يسار بغت تطير فيني السيارة , اثاري النيتروجين خفيف جداً جداً و يخلي الدركسون خفيف ,
بس بصراحة سواقة الكفرات النيتروجين جداً ممتازة ,
المهم هذي تجربة مبسطة لتغييري للكفرات و للإسف مااخذت صور تقرير ,
و هذا رقم العداد عند تغييري للكفرات 272600 الف كيلو متر ,
ابجي بعد سنة او سنتين لا قدر الله و أشوف كم قدرت امشي سيارتي ,
و الله الموفق ..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله ودي اغير الكفر بس انتظر الراتب

ويوميا شغال بجهاز الهواء اعبي .


up 2 down 1
راااضي 2529
قبل 5 سنه و 11 شهر



انا مغير كفرات سيارتي قبل شهرين تقريباً
لكن ما سويت وزن أذرعه ولا شيء .. فقط ترصيص

هل ( وزن الأذرعه والترصيص والنيتروجين ) مجانا ؟؟ أو كم كلفتك ؟؟


up 0 down 0
speed for ever 3665
قبل 5 سنه و 11 شهر



يقولون ان مشكلة النيتروجين .. القساوه
يعني يخلي الكفر قاسي وتحس بالمطبات << ما تعليقك على هالكلام ؟؟

لكن المشكله انك استخدمت على طول نيتروجين .. يعني ما تقدر تحكم على النيتروجين اذا كان يسبب قساوه مقارنه بالهواء العادي

أي كفرات جديده تكون هادئه ومريحه و لينه و كل شيء .. لكن بعد ما تآكل حفر كثيره وقويه ومطبات قويه .. تتأثر الكفرات




up 1 down 0
speed for ever 3665
قبل 5 سنه و 11 شهر



@ راضي : الله ييسر ان شاء الله .
@ speed for ever : نعم كلها خدمات مجانية .


up 0 down 0
r4rec0in 1446
قبل 5 سنه و 11 شهر



@ speed for ever : انا جربت النتيروجين لمدة يوم الان و مااشوف فيه فرق بالنسبة للقساوة بينه و بين الهواء العادي , الفرق في خفة الدركسون و وعدم حرارة الكفر بالنسبة للنيتروجين , اقدر افيدك بعدة معلومات بعد مااستخدم الكفر لمدة 3 اشهر


up 0 down 0
r4rec0in 1446
قبل 5 سنه و 11 شهر



مشالله مبروك العقبه عندي وعندكم هههههههههه انشالله الشهر الجاي  شهر 2 ابي اغير كفراتي من عند وكيل تويو من الوكيل المعتمد الوالد الله يطول في عمره موعدني يغيرها على حسابه , بس سؤال هل وجدت تاريخ 2013 ولا باقي ما نزل ,ومتى ينزل


up 0 down 0
خطاي الشوق 2533
قبل 5 سنه و 11 شهر



ما شاء الله
خدمات مجانيه ورائعه وشغل نظيف .. من يحصل له ( وزن أذرعه + ترصيص + نيتروجين ) وكلها مجانا !!

انا أبو يمن أخذ مني قيمة الكفرات 1400 ( كل كفر بـ 350 ريال ) + قيمة التركيب 20 + قيمة الترصيص لاصق 80 ريال ( الترصيص العادي مجاناً ) وبدون وزن أذرعه ولا نيتروجين ولا شيء

كفراتي مقاسها 16 وعرضها 215



up 0 down 0
speed for ever 3665
قبل 5 سنه و 11 شهر



لكن ترى كفراتي هانكوك كوريه .. تختلف عن كفراتك


up 0 down 0
speed for ever 3665
قبل 5 سنه و 11 شهر



الحمد لله أسعار الكفرات رخصت شوي قبل يومين أخوي مركب للكامري جنط 15 حقه كفر نيكسن كوري ب200 ريال وقبل شهر ركب اللي قدام ب 235 يعني الفرق 35 ريال في الكفر ولاحظت إن الأسعار رخصت عن السنة الماضية.
ومبروك عليك الكفرات وتمسحها بالعافية.


up 0 down 0
nnmm 1409
قبل 5 سنه و 11 شهر



@ خطاي الشوق : الله ييسر لك و يوفقك .
@ @ speed for ever : ممكن تفرق بالنسبة للوكيل و بالنسبة للبناشر , انا رحت عند الوكيل و استقباله جيد نوعاً ما .
@ NNMM : اللهم لك الحمد ..


up 1 down 0
r4rec0in 1446
قبل 5 سنه و 11 شهر



ودي اعبي الكفرات نيتروجين..
لكن وين القاها....
مكاني بالشرقيه--الجبيل--


up 0 down 0
ali-911 3025
قبل 5 سنه و 11 شهر



ياعلي انا غيرتها في الوكيل في الخبر اسمه ( الراشد ) بجنب وكالة بيرلي للإطارات تحصله على طريق الدمام الرياض , و انا متأكد فيه محلات بالجبيل يعبون نايتروجين لكن مااعرف


up 0 down 0
r4rec0in 1446
قبل 5 سنه و 11 شهر



احسب 3 سنوات داخله ع الرابعة كم تتوقع مشيت فيهأ ؟ كل يوم دوام الا الجمعة 



up 0 down 0
jazzo3 109
قبل 3 سنه و 10 شهر