أضف سؤال أو موضوع جديد          

اهل الخبرة والمعرفة

up 4 down 0
أبو يزن 2010 300
قبل 6 سنه و 3 شهر



يا اصحاب الخبرة والمعرفة انا وجدت بالصدفة سيارة من نوع كرسيدا ١٩٩٦ (GL) ولقيت ممشاها قليل مرة 53000 كيلو السيارة باسم صاحبها من الوكالة لونها ابيض والداخلية عنابي وكلمت صاحبها وشخص محافظ بالمرة والسيارة اكثر الوقت واقفة في البايكة وعند السؤال عن سعرها قال انسامت 33000 الف ريال فهل تستحق هذا المبلغ ام انه كثير عليها برغم ان السيارة وكااااااااااااالة باسمه ومحافظ عليها







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انت شفت السيارة وش مستوى النظافة من: 1 الـــــــى 5


up 3 down 0
aziz..747.. 2421
قبل 6 سنه و 3 شهر



اول شي انا غير مقتنع بحكاية انه السياره سيمت بالسومه الفلانيه

لانه الحين الواحد اذا يبي يبيع موتره ويبي فيه مثلا 50 الف تلقاه يجي يقول سيم الموتر ب48 الف

وماني ببعييد  !!!  واصلا لا فيه احد سامها ولا شي بس هو يبي يوصلها للسعر اللي فباله وهذا الل لاحظته  لدرجة اني ادخل موقع حراج القى سومات خياليه ولها شهور !!

هل من المعقول اللي سام جالس ينتظر 3 شهور  عشان تعلق سومته الخياليه  !!

هذا من ناحية السومات

اما السياره لها 22 سنه حتى لو كانت مخزنه هل كان مخزنها بالشكل الصحيح

السياره ودها لمراكز فحص موثوقه وخلهم يشوفون مسامير القير والمكينه هل قد تعرضة للفك ويبان عليها




ياشاقح بيض الله وجهك ياشيخ ...والله فقعو قلبي ذول اللي يجيك يقول انسامت بكذا وانا بحولها ...اه بس

ياخي والله تعبت ..صارلي شهر ادور موتر وكلهم طايرين فوق ...


up 4 down 0
مطلوب 350z 320
قبل 6 سنه و 3 شهر



بالنسبة للرد الاول جزاك الله الف خير ومستوى النظافة (((( ٥ )))) والرد الثاني جزاك الله الف خير والرجل سالت عن ذمته شهد له بالصدق من قبل ناس اعرفهم وان السيارة اللي معه على مستوى عالي من النظافة وانا معك كل يحلف وكل يقول انسامت بس الرجل حلف بما يملك بان جاه السومه المذكوره والرد الثالث جزاك الله الف خير لا تشكي فابكي وانا اخوك وين الصدق من الكذب في اسواقنا ومعارضنا


up 4 down 0
أبو يزن 2010 300
قبل 6 سنه و 3 شهر



عند الوالد كرسيدا 95 عادي لون ابيض ممشاها 185 الف كلم بأسمه وكاله و اقس بالله ان السياره كالجديده من الخارج و الداخل ما فيه فرق بينها وبين الوكاله ولا احد يركب معاه يعني كل المراتب مغبره ما عدا مرتبته ووزنه خفيف جدا ولا هو ماثر على المرتبه و السياره بس تروح للدوام وترجع توقف ما يطلع محل كل طلعاته على رجله للمسجد و لا معي لانه ما يحب الزحمة و السياره لها 15 سنه تقريبا توقف بالبايكه و اخر سنتين سارت توقف بالشارع يعني بويتها جديده و صيانتها منتظمه جدا و سيمت ب 28 الف


up 2 down 0
ابوخالد1397 2473
قبل 6 سنه و 3 شهر




تعديل

,,,
اقسم*


up 1 down 0
ابوخالد1397 2473
قبل 6 سنه و 3 شهر



اخوي شاقح ومطلوب ، حدث العقل بما يعقل في سومات واضح انها كذب وسومات باين صحتها والي الجشع والطمع عمى عيون تتخل عنده مو غلط


و


انا رأي المتواضع تستاهل خذها بسومتها حتى لو بزياه شوي وانت اخبر اش يعني كرسيدا وكمان قراندي g ،، الف مبروووووووك مقدم وهالله الله بالمحافظة والله انها تستاهل كل ريال فيها مووووفق


up 1 down 0
aziz..747.. 2421
قبل 6 سنه و 3 شهر



واذا الله وفقك بالشراء لالالالا تقول مخزنة قل مجددة ب 10.000 الاف وحصنها وتوكل ع الله ، والله يكفيك شر الحسد

مشاء الله تبارك الله


up 0 down 0
aziz..747.. 2421
قبل 6 سنه و 3 شهر



انا ما يقهرني إلا اللي يشتري سياره مثلا بـ 40 أو 50 ألف .. ويكرف والد والدينها

وبعد كم سنه يقول للبيع بـ 45 أو 55 ألف .. أو اذا منزل سعره ينزل بس 5 الاف او عشره آلاف .. ويقول مسيومه كذا والسومه هو حاطها من عنده .. تستغرب منه .. يقولك هايلوكس قديمه ومرغوبه من 2005 وتحت أو سياره فلانيه قديمه ومرغوبه .. وفيه ناس أغبياء يشترونها بالسعر المبالغ فيه

صح ان الهايلوكس القديم وبعض السيارات القديمه أحسن من الجديد ويتحمل أكثر .. لكن ليش الطمع والاستغلال

طيب خير يا طير واذا صارت مرغوبه !! انت كرفتها كرف وتبي تبيعها بسعر قريب من سعر الجديده !

أو يكون فرق السعر بسيط بين سيارته المكروفه وسعر الجديده بهذاك الوقت .. طمع وجشع




up 5 down 0
speed for ever 3670
قبل 6 سنه و 3 شهر



ماتستحق , موديل قديم و ماراح يعيش معك واجد لإن الماكينة مُستهلكة ,
انصحك تحط فلوسك في سيارة جديدة و تواكب التقنية و التصاميم العصرية , أو تأخذ سيارة ماراح على موديلها الا 5 سنوات او شيء بسيط يعني ,
اما تأخذ سيارة قديمة جداً حتى انوارها الامامية من الزجاج القديم , ماانصحك ابداً


up 3 down 1
r4rec0in 1444
قبل 6 سنه و 3 شهر



مساء الخير .

أخوي مرة صادفت في معارض مكة المكرمة كرسيدا قراندي جناح على الشنطة 6 سلندر صراحة ماشاء الله تبارك الله تشوفها تقول

وكالة واضح انها كرت .. المهم جا في بالي سعرها 15 أو 20 الف فا قلت خليني أسأل وأن كان سعرها مناسب أبشتريها .

وسألت العامل فقالي : موديلها 93 .. قلت ماشاء الله .. طيب كم سعرها ؟؟ وهنا جات الفجعة !!!

قالي مسيومه 35 ألف ؟؟؟؟؟؟؟ والله يجماعة الخير التفت فيه بنظرة بغيت اقله : دق على راعيها خليني أجلدة ههههه لاكن مسكت نفسي .

المهم سألته ثاني مرة كم المطلوب من الاخر .. فقالي حد راعيها 42 ماتنقص ريال ؟؟؟؟ الله المستعان .

فهذي لاتستغرب من قيمتها وبيني وبينك سيارات ماتتعوض أنا معي تايوتا كراون 89 ولاودي أفكها مرة .... بالتوفيق .




up 4 down 0
مستر بن . 10374
قبل 6 سنه و 3 شهر



الكرسيدا اول ما طلعت في زمانها ب45 الف


up 2 down 0
راعي الفتاكي 29
قبل 6 سنه و 3 شهر



لا ياخوي حتى لو نظيفه ومخزنه ماتستاهل هذي الشطحه في السعر كل موتر وله زمانه واظن مضى عليه اكثر من 15 سنه ومثل ماذكر راعي الفتك ايام وكالتها كانت ب 45 والله ان عمي باع كرسيدا اكس ال نظيف على يده من الوكاله ممشاها 215 الف كيلو السياره تشوفها تقول جديده ولا دقة جاتها من يوم طلعها ماشاء الله وباعها قبل فتره ب 13 الف ريال موديلها 91 .. يعني حدث العاقل بما يعقل ..!!  


up 2 down 0
ابو سعود629 4656
قبل 6 سنه و 3 شهر



خذ كامري بهذا السعر


up 2 down 1
خالد1434 3
قبل 6 سنه و 3 شهر



يا جماعة الخير كلكم على عيني وراسي من فوق وربي كلامكم درر بس يا جماعة انا استخدمت الجديد وربي كراتين تمشي في الارض لا يغرك الراحة في البداية بس ما تدوووم وكلها كلبسات لا صدامات ولا انوار ولا اي شيء فيها وانجبرنا على استخدامها علما اني قابلت صاحب خبرة كبيرة في السيارات قال قديمه ايه وشكلها مو حديث بس استخدمها واستخدم الجديد سواء في الكرف وسواء في سعر القطع وانا ما اكذب عليكم لو تشوفون السيارة تر غبون في اقتنائها ان كان مو حديث تقدر تقول حب اقتناء لها والله العظيم يالجديد اني كارهه بشكل ما تتخيلوه لانه ورق وتبغا تشوف الجديد روح الوكالات وطالع في المواقف حقتها تقول تشاليح مو حوادث والله يعلم من سلم والله يعلم من قضاء نحبه ولكن نقول يارب سترك والله يوفقكم جميع واشهدكم بالله انني احبكم فيه 


up 1 down 0
أبو يزن 2010 300
قبل 6 سنه و 3 شهر



ابو يزن تتوقع مابيجي قرار يجبر الوكالات على عدم استيراد قطع غيار لموديلات 2000 فما تحت ؟
انا اتوقع ماراح تحصل لها قطع غيار بعد فترة بسيطة


up 0 down 0
r4rec0in 1444
قبل 6 سنه و 3 شهر



دام رغبتك في القديم اشتر بدون شور أحد .. لكن سعرها مبالغ فيه صراحة حتى لو كانت مخزنة .. وقت مضى لا يهمك أنتهى مع ناســه


up 0 down 0
الواثق قوة
قبل 3 سنه و 7 شهر