نشتري الان او ننتظر ؟

مثلك بس ابي جديد سوناتا
ماعاد ادري اصبر او اشتري

الله يعين ......

اصبروا لا تشترون الحين وتندمون بعد ما تنزل قيمة السيارات 
الوضع في نزول في كل شي عقارات وسيارات و كل شي ان شاء الله
وأقرب شي عندك بموقع حراج نفسه اذا متابع له قبل فترة والحين فيه
اختلاف واضح 

من جد موقع حراج تغير اكثر شيء فيه جديد وسعره قيه تخفيضات وكل معرض ينقص عن الثاني اما المستعمل حدث ولا حرج اجل كامري ٢٠١٦ ماشية ٢٠ الف يبي فيها ٧٤ الف وجديد زيها ١٦ بـ٧٦ الف 

السوق راكد مافيه بيع ولا شراء
اتوقع اذا استمر الركود راح تنزل الاسعار
اصبر الصبر طيب 

شف يالغالي . قبل فترة نزل احد الاعضاء خبر عن الوكلات انها مراح تنزل اسعار السيارات عندها ولكن
في دول الخليج , اقصد في قطربالذات . السيارات ضاربه في الارض في القاع . يعني السيارات الي بتجي من الخليج بتكون رخيصة بالحيل

عندنا النزول :يمكن يجي ويمكن لا . السبب لن فرض ضرائب على المعارض والمحلات. يعني
راعي المعرض . الي هو الشريطي يمكن يبيع بـ مكسب الفين ثلاثه . عشان يشغل معرضه ويطلع حق الضرائب
ويمكن يستغل هالفرصه ويرفع فالسيارات فوق . وبخصوص ان النظام دايم مع التجار . انك ماتقدر تستورد موتر مستخدم او ماشي

ولكن اخوانا الاماراتيين أهل فزعه ونخوة . غالب العسكر الاماراتيين عندهم خصم على السيارات 30% يعني لو تلقى لك عسكري اماراتي
يفزعلك ويطلعلك موتر اصفار من الامارات . وتعطيه سعيه أنت كذآ كسبان . او انك مجبور تاخذ من السلنتح الي عندنا

في كل الاحوال . مالك تصبر الا للميزانية الجديد . اذ فيه عجز قوي . الحكومة راح تخفض قيمة الريال امام الدولار . وراح تفك نسبة ارتباط الريال بالدولار بنسبه 20%
وهذا : راح يسبب أنخفاض في الاسعـار . لتوفر السيولة القوية . وعدم الشراء

وبيني وبينك . كلنا ندري ان الشريطي ابن كلب . نفسسه طويل مثل الداب لازم قانون يضرب راسه عشان ينتهي
وعلى فكرة . تراهم قروبات . لايغرك ان كل واحد لحاله . ترى كلهم قروبات نفسسهم طويل السلنتح

وافضل فكرة . هي ان يجتمع خمسه سته سبعه . حول هالعدد , ويطلعون للامارات او قطر. يشترون سيارات لنهم راح يضربون عصفورين بحجر. الاول راح يجيهم خصم كبير
والثاني راح يكسرون راس الشريطي

اشتر هذا وقت شراء 

اذا تبي جديد فهذا افضل وقت للشراء فقط لموديلات2016 لأن هم يبون يصرفون هذا الموديل لنزول موديلات 2017

كيف ملاحظ الاسعار مثل ماهي

ياخوي زمان التورس يبدا من 100 الف الحين يبدا من 86

ادري انك تبي مستعمل بس سعر الجديد لما ينزل ينزل معه المستعمل

نصيحتي لك هذا هو وقت الشراء
الآن العرض أكثر من الطلب
و كل تاجر يبي يصرف اللي عنده و لو براس مالها
المعارض و الوكالات و الشركات فيها تكدس غير طبيعي لبضائعها
الأفلون حالياً ب ٨٠ ألف تشوفها غالية
بعد ما يهدى الوضع و تزين الامور بتلقى نفس الأفلون ب ١٠٠

اشتر ولا تنتظر والله الأسعار ذي لتحلم فيها باكر وتقول ليتني شريت

اسمع بكره بتنتهي حرب اليمن والنفط بيرجع فوق 100 دولار والراتبين كل بداية سنه بترجع والامور بتزين والسيارات بتصير في العالي
اشتر اشتر
والفهيم يفهم

نعم صحيح افضل وقت لشراء وخصوصا السيارات الامريكيه نازله اسعارها واذا لقيت الي تناسبك لا تنتظر

ياحبيبي الافالون فل كامل وكالة ب131 بالمعارض
الي كان سعرها 142!!
معناه ان الاسعار نازله للجديد
وبالتالي القديم ينزل..ولا خله يصدي عند راعيه

حبيبي ذا وقت الشراء والحمدلله التجار الصغار مهم مقصزين مخلين ابو جميل ياكل هوا قبل لاتنزل الاسعار العام رايح اخذ كامري وكاله ستاندر طالعه علي مع النقل والتامين ب 82
رحت المعارض اخذت استاندر مثبت سرعه تحكم بلوتوث اشارات مرايا ب  70 ر 200 شامل اللوحات والتمين
والي يقول الشريطيه فيهم واهل المعارض سلنتح يخوي رح اشتغل لاتقعد علي راتبك وتقول والله فيهم ومدري ايش 
عالم اشتغلت علي نفسه لين ما فكت له معراض وانت تجي تقول يخموناء ترا مكسبهم حدود 1500 في الجديد 

الأفضل الانتظار و طلع جديد وكالة احسن ماحد راكبها قبلك.

من اول يوم في هالسنة 2016 و الى الآن و معارض السيارات حالتها لله مافي بيع سيارات.  السوق نايم في المعارض.

أنا مثلك ناوي على فورد اكسبلورر ان شاء الله بس كل ما انتظرنا اكثر كل ما كان احسن لنا.

مو بس السيارات نازلة, العقارات بتنزل و سمعت اسعار المفروشات المنزلية بعد بترخص.

عموما الأيام جاية و بنشوف.

يا أخوان تواصلت مع مندوب بنك  بمعارض السيارات يقول ان المعرض كان يبيع خمس وثلاثين سياره بالشهر والآن يقول يبيع من سبع الى ثمان بالشهر وهذه كارثه اذا استمر الوضع كذا راح يصرفوها بمزايدات لأنهم مرتبطين بعقود وعماله ومستحقات عند التصريف وإيجار وموظفين وهذا يسبب كارثه لهم وانسحاب من السوق وانصح اي واحد بعدم الشراء ومقاطعتهم بعد مالعبوا لعبتهم وضحكوا على البسطاء وباعوا عليهم سيارات با اسعار خياله

يا أخوان تواصلت مع مندوب بنك  بمعارض السيارات يقول ان المعرض كان يبيع خمس وثلاثين سياره بالشهر والآن يقول يبيع من سبع الى ثمان بالشهر وهذه كارثه اذا استمر الوضع كذا راح يصرفوها بمزادات لأنهم مرتبطين بعقود وعماله ومستحقات عند التصريف وإيجار وموظفين وهذا يسبب كارثه لهم وانسحاب من السوق وانصح اي واحد بعدم الشراء ومقاطعتهم بعد مالعبوا لعبتهم وضحكوا على البسطاء وباعوا عليهم سيارات با اسعار خياله

مقاطعة مقاطعة لين تنزل الاسعار

لاحد يشتري الالالان الاسعار بغصب تنزل حتى الدولة تقشفت ومنعت شراء سيارات للقطاعات الحكومية
وموديلات 2017 مبيعاتها حالياً لاترقى للتفاؤل من جانب طبعا تجار السيارات