المكيف بين مطرقة الوكالة وسندان التوليف

وش القصه تويوتا لحقت الكوري في سووء التكييف

نصيحه تراه حساس بس كانت مع اخوي كورولا ٢٠١٣ كل شي فيها وكاله 
مكيفها ثلججججج فريزر بعز الظهر بس انت ودها الوكاله كشف بس وراع يعلمونك 
الورش يقول كذا يبي ياخذ منك اعلى مبلغ 

ركب حق كرلا 2006 ترا الرجه وضعف العزم شي بسيط مو ذاك التدهور بالمقابل تحصل على ثلااااجة باختصار 

أخوي للأسف مشكلة مكيف الكورولا بدأ من 2008 وتعطل عندي الكمبروسر كما أذكر والسيارة ماشية 14000 فقط أصبح يفصل وغيروه الوكالة بعد مراجعات وتعطل مرة أخرى
بالنسبة لرديتر المكيف يفضل تغييره بجديد لأن الكمبروسر القديم راح يطلع منه آثار الإحتراق وعند تركيب الكمبروسر الجديد تنتقل الأوساخ للكمبروسر الجديد ويسبب له عطل مرة أخرى

الكورولا من 2008 ل 2013 مشاكل التكييف كثيرة

اعرف واحد غير كومبيسر و ثلاجة مكيف و بلف و كلاتش كومبيسر وفي الاخير طفش وباعها

و الثاني زبط معاه بعد تغيير الكومبريسور زي الحلاوة

ماعرف ايش السبب

والله نفس المشكله عندي 

المكيف في الليل مثل الحلاوه لكن في الظهر يفصل احيانا واحيانا لا

الكمبرسورات ماهي مصنوعه زي زمان اول بعز الظهر 
وانت كانك بثلاجه ماتدري حرارة الجو وين 
اما الان كل شيء تغير يعني الكمرسور لو لقى حراره بسيطه
يفصل زي حالاتكم ولو مشيت شوي يشتغل لابرد رديتر المكيف
يشتغل ويبرد لو سخن الرديتر وقف هذا من تصنيعهم السيء

هذا طالت أعماركم يجي في الكومبروسور صمام أمان (بلف) إلتكروني عشان إذا شغلت المكيف والسيارة على سرعة ما يقطع السير إذا تعطل المكيف ما يبرد لأن الكومبروسور ما يشتغل وهل يجي بلحاله والا مع الكمبروسور ماعندي علم وسلامتكم

عزيزي من واقع تجربة ومن واقع العقل والمنطق

تبي ترتاح غير كمبروسير دينسو ورديتر مكيف دينسو واترك من المستعمل والتوليف نصييييحة

توليف وانا مجرب وموذيك الرجه شي بسيط

ابشركم تم ترهيم مكيف تيرسل قبل شوي بـ 1050 ريال والمكيف ثلج ما شاء الله والضمان شهر
والرجة مثل ما قالوا الاخوان مو ذاك الزود كلها ثواني وتروح

بالنسبة للاخ دكتوراه في الحب
واحد من الشباب بمنتدى تيوتا العربية مغير ثلاث مرات بالوكالة ولا فاد
فنصيحة لا دينسو ولا غيره ادفع والمشكلة حتى ضمانهم ضمان تشغيل فقط

والله يعطيكم العافية جميعاً على الردود

انا كان عندي مشكلة في الكامري .. فجأه المكيف هوا عايدي بدون تبريد 

ولاييرد المكيف الا بعد 120 

ومريت اكثر من 10 محلات كلهم قالوا غير كمبروشر ... حسبي الله عليهم 

وبعد ماقطعت الامل  ....  شفت محل في زاوية وفيه عاما منسدح .. قلت خلني اسأله ماني خسران شيء 

واول مافتح الكبوت وجلس يفحص .. قالي تحتاج زيت كمبروشر و فرويون 

طبعا انا حسبته يستهبل .. قلت ماشيء غير الزيت والفريون 

والحمد لله زبطت معي 

............. 
بالنسبة لك يااخوي جرب تمر محلات المكيفات كلها منت بخسران ممكن مشكلتك بسيطة مثلي 

اخ راضي
انا مريت اغلب المحلات اجمعوا على الكمبروسر وما حبيت ادفع مبلغ وقدره على شئ مو مضمون
توكلت على الله ورهمت والحمدلله الأمور ماشية طبعا هذا اول يوم بعد الترهيم والقياس يكون بعد 6 شهور او سنة

احسن شي انك ولفت زي ماقلتلك انا كان معاي كورولا وغيرته مره بالوكاله ومرا برا وضرب الكمبريسر اخر مره ولفت وخدم معاي 3 سنوات ماشاء الله الين الحين بعتها وهيا ماشاء الله ثلللج

كلام سليم اخ فراس
هذا اليوم الثاني والنتائج ممتازة ما شاء الله

وش نوع الكمبروسر اخوي وهل الترهيم قصو موصير حقت موترك و لا لا

انا عندي كرولا ٢٠٠٨ مرة يفصل ومرة يشتغل

غيرت كمبروسر كورولا ٢٠٠٦ بواحد صيني ب٥٠٠ ريال تقريبا بدون ضمان وغيرت رايداتير المكيف بواحد جديد تجاري تم التركيب اشتغل لمدة يومين وفي اليوم الثالث شميت رائحة احتكاك بكرة الكمبروسر تاكلت وخرجت الياف بلاستيك سوداء وفصلت المكيف بعد ما صرفت ١٣٠٠ ريال وكمان الخراب حصل وقتتشغيل السياره والجو كان حار رجعت للمحل قالي خطا تركيب وما نضف التلاجة