استفسار عن تويوتا لاندكروزر للمستخدم

الخليجي 265 الف معي واحد 
خذه بلوحات ماشي 10 الف دام بتبيع عشان ماتخسر واجد 
بشكل عام الجيوب أقل السيارات خساره قيمتها فيها 

مادام انك بتستخدمه 6 اشهر فقط
انا من رأيي تأخذ مستعمل بسيط ممشاه بحدود 30 الف او اقل
منها انك بسطت نفسك وشريت اللي في بالك
ومنها كذلك انك ماتخسر كثير.. وممكن يعجبك ويطول معك لأن الفل مواصفاته جميلة وقريبة من اللكزس.

لاتوهق يغالي  بكلمة يمسك سعره مجرد توقيع استلام  لسيارة من الوكالة طاح من قيمته ٢٠ او ١٥  الف. فكيف  بعد ٦ شهور اعتقد يبي يطيح  ٨٠ الف  
كلمة يمسك سعرة هذا للي يبي يا خذ مستعمل  أما الي يفك وكالة  وهو عندة نية بيع  هذا غلطان  
لاللجيوب ولا غيرها  كلها واحد  
ولايغرك اسعار المستعمل  الي شبه جديد  انها ماطاحت واجد  عن سعر الوكالة. هذولي غالبا  شريطيه اخذو من الناس برخص ويبيع على  فظاوة ويراقب الاسعار  لأنه هو يدري هو بكم اخذة  ويعرف الاسعار بكم واذا  شاف انه ماشري باعه بحول السعر  ويرضى بالفايدة القليله  
بس الي  يفك وكالة ثم طب السوق  ولاهو شريطي يبي كل يوم وهو بالمعارض  وبرضه كل ماتأخر  زادك خسارته   فهو يبي يبيع بخسارة كبيرة من سعر  الوكالة.  
 بس أمرك غريب  كيف معجبك وودك تشريه وانت ودك تبيع بعد ٦ شهور  
إلا اذا عندك ريال نايم   

شكله فلوسك واجدة الله يرزقنا وياك اشتري شي مستخدم مامشى كثير بشرط يكون ماهو شريطي من مالك بتحصل فرق

اللي يبي ينبسط مايشاور باالربح والخسارة

جزاكم الله خير على النصيحه يا اخوان
الهدف اني ابغا السيارة 6 شهور وبعدها ما راح اكون موجود لفترة فحرام اني اوقفها
هذا السبب لا اكثر.

اجل اصبر لين ترجع ولا تتهور

في إقتراح انك تاخده ايجار مع وعد بالتملك وبعدين تتنازل عنه بدون مقابل

والأفضل لو تدور واحد يتنازلك عنه مستعمل تاخده منه وتكمل اقساط 6 شهور وبعدين تتنازل عنه بدون مقابل..