غيرت كومبرسر وثلاجة ومازالت المشكله

هل الكمبروسر اللي اخذته مستعمل ولا جديد ..
كم موديل السياره
اذا كان من 2007 الى 2011
فيه كمبروسر دينسو يجي من دون حساس ممتاز ولكن يحتاج توليف بسيط أنصحك فيه سعره 950

تاكد الليات ولا ارجع لنفس المحل .

أخوي هل الفريون أمريكي أصلي فيه أنواع أشهرها جنترون ومكتوب أيضا على نفس العلبة honeywell 
كذلك لابد من تنظيف المواسير لأن الكمبروسر إذا تعطل قد يخرج منه أوساخ في الدائرة
ويجب وضع الزيت المخصص للكمبروسر بالكمية المحددة من قبل الصانع
وعمل فاكيوم أو شفط للهواء للدائرة إلى أن ينزل الضغط تحت الصفر ويترك الدائرة مغلقة ويراقب المؤشر إذا تحرك فهنالك تسريب 
كذلك يفضل وضع الفريون بقياس الوزن  يكون الفريون بالملي مناسب 
لكن هنا يستخدمون الساعة وأحيانا يحدث اختلال في قياساتها لكنها تؤدي الغرض نوعا ما 
والله شغلة التكييف سهلة جدا جدا خصوصا لو بتركب قطع جديدة لكن المشكلة ما فيه أمانة في الشغل 
عالعموم أرجع للكهربائي وحاول معه يصلح المكيف قد يكون فريون ناقص أو تهريب بسيط

يا الربع تراكم مستعجلين مرررة في الافادة


اقروا الرجال وش كاتب ، يقول الموتر وهو يشتغل بدون مكيف تشتغل المراوح واذا شغل المكيف تطفى


وش معناها عنده مشكلة في المراوح ، وش دخل نقص الفريون والتهريب والليات واللي يقول خذ كمبريسر مدري وشوا


لو تجيب اطلق كمبريسر والمراوح ما اشتغلت بينهبل بيفصل لو هو جديد


عموماً يا عزيزي مشكلتك في المراوح لكن تحديداً ما اقدر اتفلسف

صدق ابراهيم
كان فيه ذي المشكلة في الكرسيدا حقت الوالد قبل فترة طويله وكانت من الروحة ما تشتغل اساسا

حياك
طيب انت اشتريت اغراض وركبها الكهربائي ليش تمشي وانت
مكيف موترك ماظبط ياخي دافع قيمة ثلاجة وكمبرسر وفريون
ومعطيه بعد فلوس عشان يركبهن
طيب ارجع له صدقني راح يظبطه واذا رفض لاتسوي شي اقرب
دورية وهي ادفعة قيمة الااغراض وتاخذ حقك كامل
دايم ننصح بكذا اي ورشة تقولك انا المسولة خلص
اما بس تمشي ويضيع حقك ماهي سايبه 

المشكله عندك في الكهرب

شيك ع الكهرب فقط لاغير

ممكن الكهرب مايوصل للكمبرسر او المشكلة مراوح مثل ماقال ابراهيم

صارت لي مره مشكله بالمراوح ومكيف ما يشتغل نهائي وبعد فحص كمبيوتر عند واحد خبير قال لي اللتماس في مراوح هو سبب , وفعلا يوم فكيت افياش مراوح حصلتها مايعه وملتمسه .

المشكله هاذي دايم تصير والمكشله بسيطه لنه بلاول يبرد ثم ينقلب حار لنه الكمبروسر اشتغل بعدين طفا عشان كذا يقلب معاك والمشكله هاذي تصير من كتاوت الكمبروسر وصارت معاي في لاند كروزر وغيرت الكتاوت وكل شي اوك جرب سعرها 25 ريال في الوكاله

إذا ترتفع الحرارة تأكد من كمبيوتر مراوح الرديتر ممكن المشكلة منه ، أما إذا كان المكيف بس إللي حار وحرارة الموتر طبيعية تأكد من تهريب الرديتر إذا فيه تهريب بدله بجديد وإذا ميزانيتك هه وهه لحمه وبدل جديد بعدين ، أهم شيء تغيره لأن اللحام يكون ضعيف ومع الوقت يفك.