صار علي حادث وعندي استفسار بسيط

لا رح للتقديرات اول اذا بالرياض عندك في ورشة ام الحمام وفي الصناعيه القديمه وفي ورشه مخرج 18 الجديده

الي اعرف انك تقدرها من ثلاث ورش وبعدين تسعر القطع من الوكاله  والوقت الي ياخذه التأمين من أسبوعين الى ثلاث اسابيع

روح شيخ المعارض يعطيك خطاب تقدير للصدمة موجه لشركة التأمين؟

ويمكن خلال 15 يوم الى 25 يوم تجيك الفلوس

بيض الله وجيهكم جميعا
ولكم لايك جميعا
تحياتي.

كم موديل سيارتك؟

قدر الصدمه من ورش المرور وتوجه الى التأمين ليتم تعويضك

ايش هي اسم شركه التأمين

راعي البيوك ركز معي بأعطيك الخطوات بالتفصيل من تجربة سابقة 

مباشرة تتوجة لشيخ الورش وليس شيخ المعارض بتلاقي زحمة عنده صف معهم في السرا اذا جا دورك يجيك واحد معه كميرا يصور موترك وواحد ثاني يقدر تكلفة الصدمة طبعا يقدر ثلاث تقديرات يسجلها في ورقة ويختارون الوسط ومن عند نفس شيخ الورش يوجهونك على مكان التأمين ويعطونك رقم  التأمين وموقع شركة التأمين طبعا تتوجه للشركة التأمين  ومعك الورقة حقت شيخ الورش وورقة نجم ولاتنسى تأخذ نسخة إحتياطا يعطونك رقم تراجعهم فيه بعد  20 يوم تجي بعد العشرين يوم وتستلم الشيك وبس خلاص والحمد لله على السلامه .

حقك مابتاخذه الا بعد العيد 

الله يعينك 

بيض الله وجهك يا اسم مستخدم والجميع
وماقدرت ارد بسرعه لان الوالده جتها بعض الاصابات وكنت
في المستشفى معها عسى الله يشافيها
وبنسبه للي يسال عن موديل السياره 2014 يالغالي
والي يسال عن الشركه حقت التامين اظن اسمها وفاء
بس هل بيعطوني تقديرات اصلاحها في الوكاله
او قطع الغيار من الوكاله والاصلاح في الورش والا كيف نظامهم
ولكم لايك جميعا.

وعندي سؤال اخر
انا السياره عافتها نفسي وببيعها على حالتها
لاكن هل اعرضها للبيع اثناء انتظار الشيك او بعد ما ما استلم الشيك
وش الافضل

اولا الحمد لله على سلامتكم جميع .

بالنسبة للتسعيرة وكالة ام لا ماعندي خلفيه لكن اعتقد تقدير الوكالة اذا نفس مديل السنه والله أعلم لكن بعطيك معلومة ترا تقدر تعترض على المبلغ اذا قدر شيخ الورش وما أعجبك السعر خش في عينه واعترض وبعدين تستفسر من عند شيخ الورش تقدير وكالة او لا هو يرشدك لان هذا تخصصهم  .

بالنسبة لشركة التأمين خذ هالمعلومة اذا كان المبلغ اقل من 5000 الاف يصرفون لك المبلغ بعد 20 يوم تزيد او تنقص حسب كل شركة ونظامها ولا يركزون واجد ويدققون ولا يسألون عن السيارة حتى لكن اذا فوق 5000 الاف التقدير نصيحة لاتبيعها ولا تصلحها الين تستلم الشيك باسمك لان بعض الشركات لما يرسلون الاوراق للشركة الام ما يعجبهم السعر او يشككون في المبلغ فيقولون اعادة تقدير فانتبه لها النقطة وكذلك صور ورقة نجم وصور ورقة شيخ المعارض وخل معك نسخه منها وكذلك بيعطونك رقم تراجعهم  حاول تحرص عليه لا يضيع لان  وسلامتك وماتشوفون شر والحمد لله على سلامتكم والله يعوظك خير .

بيض الله وجهك اخوي ماقصرت والله يعوض على الجميع