ماهو الحل في دودة الهايلوكس؟

تدر وش اللي خربها
الي خربها يا انك شاقل الموتر يعني رافعه
او انك تقطع فيها السيول وحده منهن 

اخبر واحد من العيال شاقل ويقطع السيول 
صلحها 4 مرات والمره الخامسه غيرها ب1500 اخذها من التشليح
والى الان سالكه معه لها سنه

ف انا اشوف انك تدور بالتشاليح وحاول يكون موديل 14 او 15 اضمن لك

والله شاقل واقطع سيول كل الثنتين
التشليح كم يجي سعرها تقريبا؟ 

جديد   ودافع فيها لو 9000 بالذات الدودة  ماترحم 

معك الجديد يعزك ولا كل شوي اصلاح 
بس الجديد غالي خصوصا ( طالب جامعي ) 

انا شاقل الموتر اكثر من ثلاث سنين والمور تمام طبعن الارتفاع 2 سم  

ركب لها اصلاح ويخرطون العامود وتمشيك من سنه الى سنتين
طبعا التكلفة جاهزة 500 ريال 
بس صلحها لاتتاخر تنعدم عندك علبة وطرمبه الدركسون
وباالتوفيق

بالتشليح احتمال تاخذها من 1500 ان ماخاب ضني وانت نازل
عاد انت وشطارتك بالمكاسر وانتبه من حقين التشاليح تراهم يصلخووون 
اول شي لف عليهم كلهم 
واعرف الاسعار
وبعدين رح لافضل وارخص واحد 

السلام عليكم ورحمة الله وبركاته

انا صارت لي ب فورد ايدج سبورت ٢٠١٤
ورحت اسال كم سعرها بالوكاله حصلتها ب ٤٥٠٠ ريال 

رحت لواحد تركي في الامير متعب 
ركب لها اصلاح وجلد وخرطها وحط زبت فورد اصلي 
ب ٧٠٠ ريال واعطاني ضمان ٥ شهور 
ولها معي سنتين زي الفل مافيها شي صلحها افضل واذا كنت مقتدر تغيرها غيرها 
وذا قرار راجع لك 

تحياتي لك 

رح لمحلات الهيدروليك يسوونها لك او على الاقل لف لف عليهم وخذ خلفية

الدوده مفكوكه لها اسبوع 

والإصلاح قالو لي انه موب مستمر انه بتخرب مرره ثانيه 
عشان كذا قلت اسالكم واشوف 
الله يجزاكم خير

وين موقع اللي بسوق الامير متعب .

الاصلاح مفيد شرط قطع الاصلاح اصليه ١٠٠٪ 
وتحت يد فني محترف. 
وبعد الاصلاح تضع الزيت الخاص لها من تيوتا بالعيار الصحيح لان الزياده تفقع لك الصوف وتخرب علبة الدرقسون وترجع تخر مره ثانية 
الحل الامثل تغييرها بجديده وتراعي كمية الزيت ونوعه وفق ما ذكرته سابقا. 

السلام عليكم عند دودة هايلكس 2011تهرب زيت من منكم يعرف مهندس مظبوك