خذ من تجاربي الي يفيدك

76 11

لايمكنك التصويت حتى الحصول على 20 نقطة على الأقل
إضغط هنا للإخفاء

جداوي 797 1096
قبل 8 سنه و 9 شهر

السلام عليكم ورحمه الله وبركاته 




اليوم عندي موضوع جديد باذن الله ينال على اعجابكم 




موضوعي هو عن تجارب في حياتي باذن الله البعض يستفيد منها 








ونقول بسم الله 




1/ سيارتي لكزس LS430 2006 كانت مقاعد سيارتي مقطعه وهذي مشكله في الجلد الطبيعي اذا ما حافظت عليه 
وتم تنجيد السياره في كيلو 2 والله يا شباب اني ندمت اني نجدت السياره 
مميزاته :
اولا  التنجيد بان الجلد الصناعي يدوم طويلا ولا يتقطع مثل الجلد الطبيعي
ثانيا ان لونه فاتح كمظهر ممتاز
عيوبه :
اولا حار على طول حتى لو الجو بارد
ثانيا سريع الوصاخه
ثالثا التنجيد الجديد دايما يكون فوق القديم يعني التكييف ضعيف والمقاعد تحسها منتفخه
بالعربي ندمت اني نجدت السياره لو خليتها على جلدها القديم وهو مقطع افضل من الجديد الصناعي








2/ايام الاجازه اشعر بالملل ولا ابغا اخرج من البيت وانا من الناس الي يحب الافلام الامريكيه لقيت برنامج تحمله من قوقل وليس المتجر 
مميزات :
اولا البرنامج جميع الافلام الجديده والقديمه موجوده 
ثانيا يوجد تعريب لجميع الافلام
ثالثا يوجد تحميل للافلام
عيوبه:
اذا حملته ما يتحمل الترجمه معاه

اسم البرنامج:  PLAY BOX







3/ كان نظري ضعيف والحمدالله سويت عمليه الليزك والله يا اخوان اني تندمت اني ما سويتها من زمان
العمليه تسويها اغلب المستشفيات لاكن للاسف قليل الي يتقنو العمليه وكثير منهم خلال سنه يرجع نظرهم








4/كثير من الناس يتخوف من الشاشات المنزليه الصينيه ولاكن ولله الحمد عندي شاشه لها معايا الان 5 سنين والله ما اشتكت من شي وايضا معايا ثنتين لها معايا سنتين ولله الحمد من افضل ما يكون 








5/انصح جميع الشباب والله باخذ دوات للغوص والله يا شباب ما يعرف قيمه كلامي الا المجرب متعه ليس لها حدود وصيد وارزاق من البحر 
يا اخوان انتو تدرو ان البحر الاحمر من افضل البحار في العالم انا ما اتكلم عن الظاهر انا اتكلم عن تحت البحر 








6/زيت السياره مهم جدا ولذالك كل فتره لازم تغيره واصحاب البناشر يرفعو اسعار الزيت لذالك انا انصح الجميع انك تشتري بالكرتون من عند المستودع نفسه والله تتفاجا بالاسعار انت تدري اني اشتري الكرتون ب 360 ريال ولو رحت اخذته من القطع غيار او البنشري يحسبه ليا ب 660 ريال ياعالم شوفو الفرق كيف قريب الدبل 








7/شريحة البيانات مهمه عند الاغلبيه لذالك شركة STC وشركة موبايلي للاسف الان من اسواء الشركات لانها الان طبقت سياسة الاستخدام العادل يعني لو اخذت شريحة لا محدود من عندهم في الاسبوع ما تتعداء 5 قيقا ولو تعديتها يصير النت عندك زباله الله يكرمكم اما شركة زين الى الان لم تطبق هذي السياسه يعني لا محدود استخدمها الين تطفش بنفس السرعة








8/مين اهم انسان في حياتك؟ 
اقسم بالله ياشباب ان امي الله يحفظها سعاده لا توصف اذا اسعدتها ما يمنع انك كل شهر تجيبلها هديه من راتبك وتذكر ان قلبها معاك في كل مكان 
هذي هي السعادة لما تفاجاها بهديه شوف بسمتها وشوف فرحتها حتى لو انها هديه صغيره الام تتقبل الهديه بقلبها
الله يرحم من كان تحت الارض ويدم السعاده على من فوق الارض








9/افضل قطع الغيار الاصليه والارخص في السوق هي من عند مستودع الامانه في كيلو 2 وانا مجرب 








10/ الورشه الي انت تثق فيها وتصير زبون عنده يستغلك ويبدا يغلي عليك الاسعار لانه ضامن انك ما بتروح لغيره اما الورشه الي تروحلها اول مره يحاول يكسبك زبون ويعطيك اسعار مناسه وهذي مشكله تواجهني مع اغلب الورش التي اثق بها 








11/ افضل المطاعم عندي في جده شيزان _ راج _ كلاسك برقر _ مطعم السرور _ المطعم الايراني 

يا اخوان اي استفسار انا افضل على الخاص وابشر بالي يسر الخاطر










اتمنى ان ينال هذا الموضوع على اعجابكم 




تابعوني باذن الله في الجديد

إبلاغ

الردود